ZURE LEHEN RAID-a DA?

Ez zara “super-gizon” bat izan behar, ezta ero bat ere ez edota 10 saioetan astero entrenatu behar.

Orientaziozko oinarrizko ezagutza izatea, taldekide on bat aukeratzea eta disfrutatzeko gogoa izango dira Raid bati aurka egiten lagunduko dizueten osagaiak.




Bai distantziak eta bai probako informazio teknikoan ikusiko dituzuen gorabeherak izango dira bai kontrol-puntu guztietatik , baita sekzioetatik eta proba espezifikoak egiten dituzten taldeentzako. Meatzaldeko III. Raid-ean puntuak aukeratzeko aukera izango duzue; hau da, sekzioa laburtzeko eta puntu batzuei uko egiteko aukera egongo da. Horrela, abenturaz goza dezakezue, zuen mugetara iritsi gabe.


Hona hemen zuen beldurrak eta nerbioak gainditzeko aholku batzuk.



RAID-a BAINO LEHEN


Zure taldekidea ondo aukeratu

Oso garrantzitsua da taldekidea aukeratzeko orduan, zure helburu eta trebetasun antzekoa duen persona bat aukeratzea. Hau da, momentu edo baldintza txarrenetan ere, eroso sentitzen zaren pertsonarekin egotea.

Orientazioarekin ez bazara ausartzen, mapak irakurtzen dakien persona bat aukeratu, edo, behintzat, ikasteko prest dagoen norbait.


Oraindik taldea ez badaukazu eta jende bila baldin bazara, harremanetan jarri hurrengo kontuarekin: 


Elkarrekin entrenatu

Taldekidearekin korrika egitera joateak edo bizikletaz aritzeak, bakoitzaren alde ahulak eta indartsuak jakitea ahalbidetuko dizue. Horrela, lasterketa den egunean ager daitezkeen erronkak nola saiesten hobeto jakingo duzue.

Orientatzen ikastea oinarrizkoa da; beraz, ikastaro edo proba batera joatea aholkatzen da, gaia nolakoa den jakiteko.


Antolaketa

Lasterketa baino lehen, behar duzuen guztiarekin zerrenda bat egin. Oso garrantzitsua da materiala ondo antolatuta izatea, bizkor hartu ahal izateko.



RAID-ean ZEHAR


Zuen lasterketa egin

Raid-a oso luzea da eta bai ahalegin fisikoa eta bai buruko ahalegina behar da. Lasterketa hasieran, saiatu erritmo altuegi bat ez eramaten eta beste talde batzuei ez jarraitzea, bakoitzak berea egin behar du.


Orienta zaitezte

Laterketa zehar non zauden jakitea oso garrantzitsua da. Ez du ezertarako balio azkarregi joateak, helburua argi ez badaukazu.


Erabakitzailea izan zaitezte

Lasterketan hainbat zailtasunekin topa zaitezke: nekatuta egotea, gurpil bat zulatzea, galduta sentitzea, etab. Hori gertatuz gero, hoberena arazoa konpontzea da eta ez beste gauzetan aritzea edo denbora galtzea. Lasterketa bukatzean, dena oso ondo aztertzeko aukera izango duzue.


Beti energiarekin

Lasterketa aurrera egin ahala, higadura fisikoa ere handitzen da. Horregatik, beti elikagai eta edari energetikoak eramatea oso garrantzitsua da (gutxienez bi orduro zerbait jan eta edan beharko dugu)





RAID-a ONDOREN


Luzatu

Luzatzea raid bat bukatzerakoan dagoen gauza garrantzitsuenetariko bat da. Jende gehienak ahazten du.

15 minutuko luzaketa  nahikoa izango zen, muskuluetan mina ez izaten laguntzeko.

Hurrengo bi edo hiru egunetan, kirol handia ez egitea hoberena da. Luzatzea eta korrika apur bat egitea ondo legoke.


Ondo hidrata zaitez

Galdutako gatzak  eta mineralak berrezkuratzeko asko edatea beharrezkoa da.





BESTE GAKO BATZUK

Egunean bertan, lasterketaren ibilbidea jakingo da. Irten baino lehehn hurrengo materiala eramango duzue:

Ibilbide-liburua: Lasterketaren informazioa eta kontrol-puntuak daude.

Mapak: Balizak eta kontrol puntuak jarrita daude.

Hemendik aurrera, taldeak ibilbide egokiena erabaki behar du.

-Korrika egin baino lehen, pentsatu. Ibilbidea ondo ikastea gomendatzen da. Akats batek puntuak galtzea ekar dezake.

-Talde osoak, ibilbideak zenbat km dituen, bere gorabeherak eta pauso kontrolen kopurua jakin behar du.

-Galduta sentitzen bazarete, ez aurreratu. Hoberena, atzera bueltatzea eta berriro hastea da. Hobe da arinegi ez ibiltzea.

-Bide liburuak eta mapak ondo zaintzea beharrezkoa da.  Material hori gabe, ezinezkoa da helmugara iristea. “Porta-mapa” hermetiko bat eramatea gomendatzen da, horrela, zikintzea edo bustitzea saihestuko dugu.

-Oinetakoak oso garrantzitsuak dira (oinetako berriak ez erabili) eta lur-zoru motari egokitu behar dira.

-Bizikleta ondo egotea ezinbestekoa da, beraz, erabili baino lehen txekeo bat egin.

-Ez ahaztu: ordezko kit-a, erramintak eta kamarak.

- “Porta-mapa”-k txirrindulentzako bereziak direnak erabiltzea gomendatzen da, horrek asko lagunduko gaitu mapa irakurtzeko orduan.

No hay comentarios:

Publicar un comentario